المهنة: : الجنس : العمر : 42تاريخ التسجيل : 18/08/2013عدد المشاركـات : 39السٌّمعَة : 0
موضوع: القهوه السعوديه على أصولها الأحد أغسطس 18, 2013 10:37 pm
السلام عليكــــم ورحمة الله وبركاتـــــة
مـــاشـــاء الله ولاحـــول ولاقـــوة الابالله
صلحت لكم القهوه من البدايه وطريقة حمسها وحبيت اوريكم طريقتي بالقهوه ويارب لك الحمد قهوتي الكل يمدحها اهلي وجيراني وكل الي حولي وحبيت تستفيدوا واتمنى انها تعجبكم ......
نبدا التحضيـــــــــــر :
نحمس على نار هادئه تقريبا ربع كيلو قهوه بريه اخذتها من محل خاص للقهوه وانا افضل البريه بمقلاه خاصه للقهوه ...... ثم احمس مع القهوه تقريبا ملئ يدي شيبه وهذا شكلها ...... ونحمسهم باستمرار وهذا شكلها بعد مرور ثلاث دقائق.... وهذي بعد مرور5 دقائق..... وهذي بعد مرور 10 دقائق ..... وهذي بعد ربع ساعه اذا تحبين المستكه ضيفي تقريبا 5 حبات وهي حار وحركيها لتذوب وشيليها عن النار ...... ونطفي عنها ونحطها بصحن لتبرد تماما .... وهذي من قريب..... بعد ماتبرد ننسفها بمعنى نطلع قشرها وننفخ لتنظف القهوه وهذا شكل القشر لما تجمع .... ثم نشيل الشيبة و نطحنها طحن مو ناعم خشنه شوي ..... ثم نحط بابريق القهوه 5 كاسات ماء ونخليها تفوح لما تفوح اضيف حبتين عود قرفه اذا تحبين القرفه .....
ثم اضيف عليها ملعقتين كبار قهوه ونص ملعقة حليب بودره او شوي حليب سائل ...... وخليها تطبخ ربع ساعه على نار هادئه .....
واحط بثلاجة القهوه ملعقة هيل .... ونص ملعقة مسمار .... وقبل لاشيل القهوه من النار اضيف زعفران واخليها اقل من دقيقه لتاخذ اللون الاصفر ....
ثم تصب بالثلاجه وتقدم ......
ملاحظه انا حمست القهوه درجه متوسطه تبيها افتح اغمق انتي مخيره بس خير الامور اوسطها وكمان لازم تطبخ على الاقل ربع ساعه لنص ساعه والقهوه الحلوه مالها دخل لابنوعية هيل او مسمسار هي على الحمسه واذا بتحمسين كميه مثلا كيلو قهوه حطي معها نص كيلو شيبه بس حطيها بقدر كبير علشان تحمسيهم زين ولاتنسين تحمسيتهم باستمرار علشان ماتلون من جهه وجهه لا ، ودمتوا...
وبالعافيــــــــــــــــــــــ ـــــــة ...... دعواتكـــــــــــــــــم في امـــان الله
اهلا وسهلا بكـ , لديك: 19 مساهمة .
آخر زيارة لك كانت في : .
الخميس نوفمبر 13, 2014 7:41 pm
الأحد أغسطس 18, 2013 10:37 pm
