الحلقة الخامســة
نقرتين لعرض الصورة في صفحة مستقلة
بعنوان
حسن المظهــر ( 2 )
نقرتين لعرض الصورة في صفحة مستقلة
_السلام علكم ورحمه الله وبركاته
_وعليكم السلام ورحمه الله
_ازيك يا حبى عامله ايه النهارده؟
_الحمد لله كويسه ومستنياكى من امبارح عشان نكمل كلامنا
_ماشى... هنبدء حالا خليكى مصحصحه معايه بقى كده علشان كلامنا مهم اوى
_حااااااضر... يلا كلى اذان صاغيه
_احنا المره اللى فاتت اتفقنا اننا هنغير لبسنا
وهنبداء نحط شكل معين للبس الكويس اللى هنلبسه؟!!
_تمام... وادينى النهارده مستنيه اعرف ايه الشكل ده؟!
_ماشى ...اولا انا مش نسايه لك كلمه شوال اللى قولتيها
بس احنا دلوقتى هنبدء نمشى خطوه خطوه هنتوسط ف لبسنا ...
يعنى ولا هنلبس شوال زى ماقولتى ولا هنلبس بادى وبنطلون....
_*********ه دا انتى قلبك اسود اوى فاكرالى الكلمه اللى قولتها....
_امال... بس المهم دلوقتى احنا هنعمل زى مارسولنا قال لنا خير الامورالوسط
_ماشى... يعنى ايه الشكل اللى هنحطه ادام عنينا علشان نلبسه؟!!
_بصى يا ستى... ممكن نلبس جيبه وبلوزه مثلا
مع العلم انك هتلاقى منهم اشكال كتيره ومختلفه وفيها كل ذوق لكل بنت
_تصدقى...!!!!
_طبعا هصدقك...؟!!!
_انا عمرى مافكرت البس جيبه وبلوزه قبل كده
ولا عمرى فكرت انى اتفرج على اشكالهم...!!!
_وادينا فيها ...بس مبدائيا انتى موافقه..؟!
_اه...وايه المشكله انى اتغير من بره زى ماتغيرت من جوايه...؟!!!
_جميل اوى كلامك ده ...دلوقتى احنا هنتفق على وقت ننزل فيه انا وانتى
ونشوف ونختار وعلى ذوقك اللى انتى هتلبسيه بس على الشروط اللى قال عليها نبيك
_تمام اوى وانا موافقه
_انتى عارفه ليه الرسول صلى الله عليه وسلم وضع شروط للبس المرأه؟!!!
_اه من كلامك ...عشان يحفظ البنت من عيون الشباب وعشان يحفظ الشباب من الفتنه...!!!
_كلامك جميل اوى... بس فى سبب اهم واعظم
_ايه هو ...؟!
_لاننا جواهر كل بنت فينا جوهره ...
جوهره جوه صدفه الاسلام وكان لازم يتحافظ عليها اوى
يعنى مثلا لو انتى عندك حاجه غاليه اوى اوى ومش عايزه حد يشوفهابتعملى فيها ايه؟!
_اممم... طبعا بخبيها عن كل العيون دا انا ممكن كمان احطها ف حاجه جوه حاجه
_تمام اوى كده ... احنا بقى البنات والنساء غالين اوى اوى على ربنا وعلى حبيبنا النبى صلى الله عليه وآله وسلم
عشان كده كان لازم يخلينا جوهره جوه الصدفه اللى معموله بشكل معين
_بجد ربنا ورسولنا دول بيحبونا اوى واحنا اللى مش واخدين بالنا
وبجد خلاص انا اوعدك انى هغير لبسى لانى اقتنعت بكلامك اوى... وان شاء الله مش هرجع للبنطلون تانى
_وانا عارفه انك قد وعدك...
ولما اشوفك متغيره فعلا هيكون لينا كلام تانى كتيير فى حاجات تانيه
_ماشى يا قمر... وانا موافقه وهخليكى تشوفى منى واحده تانى خالص
_اوكى وانا بقى دلوقتى هروح بيتى واستاذن منهم انى اخرج معاكى ونجيب اللبس واتصل بيكى ونتقابل
_ماشى... وانا هجهز نفسى على ماتيجى
_يلا بقى السلام عليكم ورحمه الله وبركاته
_وعليكم السلام ورحمه الله وبركاته
سبحانك اللهم وبحمدك ... نشهد ان لا اله الا انت ... نستغفرك ونتوب اليك
نقرتين لعرض الصورة في صفحة مستقلة
انتظرونىوحلقه جديده من
خليكى اجمل
اهلا وسهلا بكـ , لديك: 19 مساهمة .
آخر زيارة لك كانت في : الخميس يناير 01, 1970 .
الخميس نوفمبر 13, 2014 7:41 pm
الأحد ديسمبر 25, 2011 6:09 am