خليكى اجمل الحلقه العاشره

الحلقة العاشرة

بعنوان

التبرج ( 2 )

_السلام عليكم ورحمة الله وبركاته

_وعليكم السلام ورحمة الله وبركاته

_إزيك ياقمر؟!!

_الحمد لله ...

_إيه الجمال ده كله ...

شوفتى شكلك دلوقتى لما نسيتى كلام الناس واللى بيقوله ولا قبل كده ؟!!!

_ قبل كده إيه ... ماتفكرنيش ...

انا دلوقتى حاسه بالفرق تماما ...

_جميل أوى ......

_ممكن قبل ما تتكلمى اسألك سؤال؟!!

_أكيد طبعا ...اتفضلى

_هوانتى ازاى بتحافظى على جمالك ...

يعنى أنتى بسم الله ماشاء الله عليكى جميله جدا من غير ماتستعملى

أى حاجه ولا تحطى حاجه على وشك ...؟!!!!

_************هه....

_هو انا قلت حاجه تضحك أوى كده؟!!

_سورى بجد ... الحمد لله طبعا على كل شئ ...

وإذا كنت أنا جميله زى مابتقولى ده ليه أسباب ...

أولا لانى واثقه أنى ربنا سبحانه وتعالى خلقنى جميله

( فطرة الله التى فطر الناس عليها لا تبديل لخلق الله..) ...

ثانيا مين قالك انى مش بستعمل حاجه ..؟!!

_ يعنى .. مش باين أنك بتستعملى اى حاجه خالص...!!!

_ بالعكس ....انا باستخدم ميك أب طبيعى ...

_ ......!!!! وهو فين ده ؟!!!

_قبل ما أقولك عليه ... اسألك سؤال ..

_ أكيد ...تفضلى ...

_دلوقتى احنا متفقين نثق فى الله ... صح ؟!

_ صح ...؟!!!

_ جميل ... طيب وثقتى فى الله مش تخلينى واثقه أنى جمالى طبيعى ؟!!

_.....؟!!!! مش فاهمه ...!!!

_هاوضح لك ... أنت لما بتستعدى للخروج بتعملى إيه ؟!!

_ يعنى ... بلبس واظبط نفسى واظبط الميك أب بتاعى وكده يعنى ...!!!

_ جميل ... طيب انتى جربتى مرة تخرجى من غير ماتحطى ميك أب ولا برفان ؟!!

_أصلا ماينفعش ...!!!

_ ليــــــه ؟!!!

_لأنى لما أخرج من غير ميك أب هيكون شكلى مش حلو

ولازم أحط برفان عشان تفضل ريحتى حلوه ...

فإزاى عايزانى أخرج من غيرهم ؟!!!!!!

_طيب اهــدى بس ...

أولا نتكلم عن البرفان ....

_اتفضلى ...

_أنتى تحبى أن حد يوصفك بصفة فوق الفظيعة ؟!

_!!! لاء طبعا..!!!

_جميل أوى ... طيب لما تسعمى رسولنا الكريم صلى الله عليو وآله وسلم بيقولنا

( أيما امرأة استعطرت فمرت على قوم ليجدوا من ريحها فهى زانية ) ... تحبى تكونىكده ؟!!

_ لاء طبعا ... ومين ده اللى تحب تكون كده ... ربنا يحفظنا ... !!!

_اللهم آمين ...

ها .. وأنتى إيه رأيك ينفع أخرج من بيتى حاطه برفان

وأناعارفه إنى طول ما أنا ماشيه فى الشارع

وريحة البرفان بتاعتى معطره الجو على الآخر هاكون زانية ؟!!

_لالالالالا ... خلاص انا مش هاستعمله تانى خالص ...

إيه ده ... بس ازاى ... لازم ريحتى تكون حلوه إزاى من غبره ؟!!!

_ياسلام ... سهله أوى ديه ... استعملى مزيل ...

حتى على الأقل مش بيكون ليه أى ريحه واضحه ...

وبالتالى هاكون كده حافظت على نفسى وحميتها كمان ...

واحمى من نفسى مش حاجه أنا فى غنى عنها

_صح والله ... خلاص .. بس البرفان اللى عندى .. اعمل فيه إيه ؟!

_ بدل ما تستخدميه وأنتى خارجه ...

ممكن فى البيت براحتك ...

طالما مافيش حد غيرك مامتك وباباك وإخواتك هما اللى معاكى ..

وبكده هتفضلى فى السليم ...

_جميل أوى ... خلاص من هنا ورايح مش هاحط برفان تانى وأنا خارجه من البيت ...

_عظيم ... خلصنا من موضوع البرفان ...ندخل بقى للميك أب ...

_ماله ده بقى كمان .. لاء أوعى ...

ده بالذات ما ينفعش خالص استغنى عنه...

_إيــــــــه ... لوك لوك ...

عارفه إذا قطعتى كلامى تانى ...

أنتى حره .. هامشى وأسيبك ...

_لالالا ...خلاص ... ســورى ... بس أنتى بتقولى إنــ...

_ هو أنا لسه قولت حاجه ...

_خلاص آسفه .. اتفصلى ...

_أيوه كده ...

ليه بقى ماينفعش ...

احنا مش اتفقنا أنا واثقه إن ربى خلقنى جميله ؟!!!

_ أيوه ... بس...

_ تــانى ...

_ خلاص .. كملى ...

_.... طيب ... قولى الاول أنتى تعرفى الميك أب ده أصلا مصنوع من إيه ؟!!

_ .....؟!!!!

_ كله مواد كيماويه أبسط حاجه منها تودى البشرة فى داهيه ...

والدليل ..

. لما ترجعى البيت وتمسحى وشك مش بتحسى بالفرق والراحة ...

وكأنه كان فى حاجه كده تقيله أوى على وشك ...

وبعد فترة من استخدام الميك أب ...

مش بتلاقى بشرتك بدأت تبوظ ... وكمان شكلك بيتغير ؟!!

_ أيوه .. فعلا ... تصدقى ...!!!!

_ طيب ... ولما ربنا يدينى أمانة من عنده عشان أحافظ عليها

واعمل فيها كده ... ينفع ؟!!

ده إن حد من البشر أمنك على حاجه بتلاقيك محافظه عليها لاقصى حد ...

وده مجرد بشر زيه زيك ...

مابالك بقى برب البشر ؟!!!

_ ................

_ مش عارفه المفروض تعملى إيه ؟!!

_لا ...عارفه ... ااااااااايييه ...

يعنى المفروض أحافظ عليها .....

_ جميل أوى إنك عارفه ....

طيب وليه مش بتحافظى عليها؟!!!

_..................

( صمت رهيب وشدة خجل )

_ طيب ... لما ربك يديكى من عنده ميك أب طبيعى ..

. يخليكى دايما جميله ...

وتقدرى تفضلى محافظه على الأمانة زى ما هى ...

لاء ومش كده وبس ...

ده كمان مع الاستخدام بتكونى أجمل وأجمل ....

_.... وهو فين ده ؟!!!!!!!

_معـــاكى... وبتسخدميه كمان ....

_.........!!!!

_وضــــــــؤئك ... وذكـــــــــرك لله ...

_ إيـــــه ... إزاى بقى كده فهمينى ...

انتى هتشتغلينى ...؟!!!!

_هاقولك ياستى ومن غير اشتغالات خالص ....

أولا لما بتتوضى ...

المايه بتنزل معاه كل حاجه كانت على وشك ...

فبالتالى وشك بينور من تانى ...

وغير كده كمان كل نقطة ميه بتنزل منى ...

بتشيل معاها ذنب أنا عملته ....

_ إيــــــــــــــــــــــــــــــــــــــــــــــــ ــــه ... حقيقــى ؟!!!

_ أيون .. حصل ... فلما أفضل محافظه على وضوئى

وقبل لما أخرج من بيتى أتوضا ... شوفى بقى ...

جمال ... ثقة ... حماية من عند ربك ...

كل حاجه حلوه هتلاقيها ... وحاجه مهمه كمان ...

_إيه ؟!!!

_ إذا ربنا أراد وانتهى أجلك ...

تخيلى وانت متوضيه ...

يعنى على طهارة ومش اى طهارة ...

ده اللى أمرنى بيها ربى ...

وتخيل بقى لما تقبليه وانت ميته على طهارة ...

يااااااااااااااااااااااااااااااااااااااه ... يا الله ...

ولا تحبى تقبليه وانتــى ..........

_( البنوته انهارت من البكاء ......... )

وبعد فترة ....

_ ومين يكره أنه يموت وهو على طهارة ...

ياربى سامحنى ...

انا مش هاعمل كده تانى ...

ومش هاعمل غير اللى تؤمرنى بيه وهابعد عن كل اللى يضرنى ...

واقرب من اللى أنت خليته موجود فى الدنيا عشانى ...

عشان يحمينى ويحافظ عليا ...

وأفضل دايما أجمل .....

_ اللهم آآآآآمين ... ربك رؤوف رحيم ...

طالما أخلصتى النية ليه ...

بإذنه وحده هتقدرى تكلمى وهتنفذى أوامره ...

بإذنه تعالى ...

_ يارب ....

طيب ده كان الوضوء ... والذكر ... إزاى ؟!!!

_ ببساطه جدا ... طول ما أنا بذكر ربى وبحمده واستغفره ..و..و..و إيه اللى بيحصل ؟!!

_ ربنا بيسامح وبيغفر لى ذنوبى وبتروح من عليا ....؟!!

_ طيب ..و...

_ استنى كده ... فهمتها ...

لما ربنا يغفر لى ذنوبى بيشيل عنى حاجه كانت مخليانى مش حلوه ...

ولما راحت بان جمالى ... صح ؟!!

_ صح أوى كمان ... ربنا يفتح عليكى ...

_ ربنا يخليكى ... بس عندى سؤال صغنون ؟!!

_ اتفضلى...

_ زى البرفان كده .. ممكن الميك أب ؟!!!

_ أكيد طبعا ... ممكن جدا ... بصى ياحبيبتى رسولنا بيقولنا

( إن الدين يسر ولن يشاد الدين أحدا إلا غلبه ) ...

تمام ....

ولما ربنا بيحرم علينا حاجه ...

ده عشان بيحبنا أوى وعايزنا نكون حلوين دايما .. تمام كده...

_ تمام ...

_ جميل ... يعنى لما ربنا يحرم عليكى الميك أب ..

ده بيكون عشان أحافظ على نفسى وما أفتنش الناس بيا ...

لأن الناس شايفانى وأنا كده ...

ده فى الشارع لأنه هو المكان اللى فيه ناس غرباء عنى ...

_ صح ...

_ طيب ... وياترى فى البيت ؟!!

_ ماحدش غريب عنى ممكن يشوفنى لأن كل اللى فيه أهلى ....

_ تمام ... يبقى ...

_ ممكن استعمله فى البيت عادى ... صح كده ؟!!

_ صح كده ... واعرفى ...

طول ما أنتى فى البيت وماحدش غريب بيشوفك ..

تقدرى تعملى أى حاجه أنتى عايزه تعمليها ...

شوفتى بقى قد إيه ربنا بيحبنا ؟!!!!

_ أووووووووى ... ياااااااااااااااااااااااااااااااااه ....

أنا خلاص من هنا ورايح هاستخدم الميك أب الطبيعى اللى من عند ربى ..

وهو فى حاجه من عند ربنا ومش تكون جميله ومفيده ..

لاء وكمان تكون أجمل حاجه ؟!!!!

_ الله عليكى ...

_ أنا بإذن الله تعالى من هنا وجاى مش هتشوفينى غير وانا ملتزمه بحجابى

ومش عامله أى حاجه تكون مخالفه معاه أو ليه ...

_ جميل أوى كلامك .. بس المهم أنفذه ..

_ بإذن الله ... إيه ده ... انا معايا ربنا وواثقه فيه ...

_ الله ينور عليكى .. دلوقتى بقى أقدر أسيبك وأنا مطمنه عليكى

_ أنتى كده دايما ....

_ ماتستعجليش .. الأيام جايه كتير ..

هنتقابل تانى إن شاء الله لان لسه فى كلام كتيييييييييييير لازم نتكلم فيه ...

واطمنى مش هاسيبك غير لما تزهقى منى ...

_******هه ... اطمنى يبقى هاتفضلى معايا على طول ...

_***هه ... يارب ونكون دايما متجمعين على الخير ...

_ اللهم آمين ..

_... نقول بقى السلام عليكم ورحمة الله وبركاته

_ نقول وعليكم السلام ورحمة الله وبركاته

_سبحانك اللهم وبحمدك .. نشهد ان لا اله الا انت .. نستغفرك ونتوب اليك

_سبحانك اللهم وبحمدك .. نشهد ان لا اله الا انت .. نستغفرك ونتوب اليك

أتمنــــى لكـ من القلب .. إبداعـــاً يصل بكـ إلى النجـــوم ..

سطرت لنا أجمل معانى الحب

بتلك الردود الشيقة التي تأخذنا

إلى أعماق البحار دون خوف

بل بلذة غريبة ورائعة

دمت لنا ودام قلمك