تعبااااااااااااااااااااااان.. خد العلاج ده.....،،،أكثر أكثر من رائعه تابعونا

تعبااااااااااااااااااااااان.. خد العلاج ده..

...

:: حب الله .. أعظم دواء ::

دواعي الإستعمال............ .........

لما تعوز يبقالك معــــــنى.... وحياه صافيه الصدق مـــــــاليها
لما تضيق حولـــيك الدنيا.... ويكون قلبك ضايع فـــــــــــــيها
لما تضيع أحــــــــلامك منك....والأيام تدبـــــــل أمــــــانيها
لما تموت جواك أحاســــيسك....وبقيت مــــش قـــادر تحييها
لما الناس في المحنه تسيبك....وتروح مهمـــــــا تنادي عليها
لما جروحك تفضل تنـزف.... ومافيش شئ في الكون يداويها
إوعى تروح للناس في الـدنيا ...هىّ الناس فيه ايه في إيديـها
سيب الخلق وروح لخالــقهم .....سيب الأرض وروح لـباريها

آ ثار الدواء............ .........

هيخليك إنسان له معــنى.....هيخلـــــــــيك فعلا إنسان
ياخد قلبك فوق ويـــــــرفرف.....وسط قلوب مليــــانه ايمان
هيخليلك روحــــــــك تبقى.... أسمى و أقوى من الأحزان
هيخليلك قلــــــــبك ثابت.... ولا يستسلم مـهما ان كان
أنا مش هفضل أعد فوايـده..... أصل فوايده فوق الحسبان
بس كفايه أقولك إنك يومها..... هتبقى......... مع الرحمن

التركيب............ .........

حبة صبر وحبة تــــــقوى... وتدوبهم في الإخــــــلاص
لازم يبقى الصبر في قلبك …ثابت مش مكتوب برصــاص
و الأفعال هي اللي تعـــبر....مش شعارات تنقال وخــلاص
وكفايه تعرف مهما الدنيــا.....فضيت حوليك مـ الحــــراس
لازم تعرف إننا لينــــــــا.....رب مافيش من حكمه خلاص

الجرعه............ ......

خد على قد ماتقدر مــــنّه ....خد مــــا تقولشي إزاي ولا ليه
عوّد عقلك..روحك.. قـلبك.....طول أيامـك يمــــــــــشوا عليه
إوعى تسيب ولا ثـانيه تعدي .....من غير قلبــك ما يعيش بيه
و أن أدمنته دا شئ من حظك ...طـب فيه أجمل من كده ايه؟

التحضيرات......... .........

ركعه في قلب الليل تخفــــيها.... ولا دمـــــــوع تبكيها بقلبك
صدقه ماحدش يبقى شايفها.... علشان تطـــلع خالصه لربك
فرّج كربة حد في أزمــــة.... حتى إن صدفة قابلته في دربك
الأعمال لو حتى بسيــطة..... بس تكون ممـــــزوجه بحبك
رب الكون ده هيقبل مـنك..... والأجمل...... ربنا هــيحبك

الآثار الجانبيه ......... ......

كل آثاره انك مـ الفرحـــه....... قلبك مكن نبضـــــه يزيد
و كمان ممكن تشعر إنك....... جرى في عروقك دم جديد
ممكن وشك يبقى منـور....... باسم وكأن إنـــت في عيد
يعني عيوبه مجرد إنــــك ......تلقى كيانك كلـــــه سعيد

موانع الإستعمال............
مش ممنوع للدنيا بحـالها....... حتى العاصي مـاهوش ممنوع
عمر زمان ومكان ما هيمنع....... طول ما في قلبك لسه خشوع
لو جه يوم أخطأت طريقـــك....... لسه بإيــــــدك تاني رجـوع
دايماً دايماً خليك فاكــــــر....... لسه بإيدك تاني رجــــــــــوع

لسه بإيدك تاني رجوع
لسه بإيدك…… تاني رجوع

دواء معالج رائع

مشكور

::gazak1::

كالعادة ابداع رائع

وطرح يستحق المتابعة

شكراً لك

بانتظار الجديد القادم
دمت بكل خير

يسلمو للموضوع الحلووو

» تعبااااااااااااااااااااااان.. خد العلاج ده.....،،،أكثر أكثر من رائعه تابعونا
» أكثر من شخص ........؟
» نوم أكثر... جسم أطول
» من هو أكثر الانبياء صبراً
» العثور على أكثر من 200 جثة في اليابان