اهلا وسهلا بكـ زائر, لديك: 19 مساهمة .
آخر زيارة لك كانت في : .
 
الرئيسيةاليوميةمكتبة الصورس .و .جبحـثقائمة الاعضاءالمجموعاتالتسجيلدخول
!~ آخـر 10 مواضيع ~!
شارك اصدقائك شارك اصدقائك موقع المكتبة الرقمية
شارك اصدقائك شارك اصدقائك تحياتنا جامعة المدينة العالمية بماليزيا Welcome to the Madinah International Universi تحياتنا جامعة المدينة العالمية بماليزيا Welcome to the madinah international University http://mediu.edu.my/
شارك اصدقائك شارك اصدقائك فتاوى نسائية (متجدد)
شارك اصدقائك شارك اصدقائك (مخلوق اسمه المرأة )
شارك اصدقائك شارك اصدقائك تصميم لنشر المنتدى
شارك اصدقائك شارك اصدقائك لن يكون سلوكي خنجر في صدر الأسلام
شارك اصدقائك شارك اصدقائك بَيْنَهُمَا بَرْزَخٌ لَّا يَبْغِيَانِ
شارك اصدقائك شارك اصدقائك فكرة جميلة لقيام الليل
شارك اصدقائك شارك اصدقائك الاسلام , لم يطلب منك الله أبدا أن تكون إنسان بلا ذنب
شارك اصدقائك شارك اصدقائك المعالم الاسلامية
الخميس نوفمبر 13, 2014 7:41 pm
الثلاثاء نوفمبر 11, 2014 5:28 pm
الأربعاء سبتمبر 11, 2013 6:19 pm
الأربعاء سبتمبر 11, 2013 6:17 pm
الأربعاء سبتمبر 11, 2013 6:11 pm
الأربعاء سبتمبر 11, 2013 6:08 pm
الأربعاء سبتمبر 11, 2013 5:37 pm
الأربعاء سبتمبر 11, 2013 5:14 pm
الأربعاء سبتمبر 11, 2013 5:12 pm
الأربعاء سبتمبر 11, 2013 5:10 pm
إضغط علي شارك اصدقائك اوشارك اصدقائك لمشاركة اصدقائك!

شاطر | 
 

 لن يكون سلوكى خنجر فى صدر الاسلام الدرس الخامس ( حفظ اللسان )

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الشيماء
member
member


المهنة: :
الجنس : انثى
العمر : 41
تاريخ التسجيل : 23/12/2011
عدد المشاركـات : 500
السٌّمعَة : 0

مُساهمةموضوع: لن يكون سلوكى خنجر فى صدر الاسلام الدرس الخامس ( حفظ اللسان )    الأحد ديسمبر 25, 2011 7:20 am


الحمد لله رب العالمين الرحمن الرحيم
الذي خلق فسوي وقدر فهدي
والذي انعم علينا بنعم كثيرة لا تعد ولا تحصي
نقرتين لعرض الصورة في صفحة مستقلة
قال الله تعالي

( وان تعدوا نعمة الله لاتحصوها ان الانسان لظلوم كفار )

ولكن أعظم هذة النعم وأكبر هذة المنن

هي نعمة الاسلام

أن هدانا الله لهذا الدين وجعلنا من المسلمين

خلق الله عز وجل الانسان وخلق له اعضاءه


قال تعالي (ولقد خلقنا الانسن ونعلم ماتوسوس له نفسه )


وقال تعالي ( يا أيها الانسان ماغرك بربك الكريم الذي خلقك فسواك

في أي صورة ماشاء ركبك ... )

وكما قال تعالي ( والله أخرجكم من بطون أمهاتكم لا تعلمون شيئا .)

شوفي الطفل المولود عمال يوءوء ومش حاسس بأي حاجة

الكل يلاعبه ويشيله وفرحان بيه

وبعدين بشوية يتعلم التهته

وبنكون فرحانين أوي لما يقول ماما وبابا

وبعدين يكبر ولسانه ينطلق

بنبقي عاوزين نوقف لسانه ومش عارفين

وهو ده درسنا أنهاردة

عن حفظ اللسان

عاوزين فرامل للسان

خلقنا الله عز وجل

بنبص بعيونا

بنشم بأنفنا

بنلمس بأدينا

بنتكلم بلسنا

وبنتحرك برجلينا

وبنسمع بأذننا

دي كلها نعم من الله عز وجل علي الانسان

ونعم الله لاتعد ولا تحصي

وجعل الله عز وجل نعمه اللسان اللي بنتكلم بيه

أيه من أيات الله

قال الله تعالي

( ومن آياته خلق السماوات والأرض واختلاف ألسنتكم وألوانكم إن في ذلك لآيات للعالمين )


اذا الله عز وجل خلق الانسان وخلق له أعضاءه

ووضح الله تعالي ان هذة الاعضاء نعم

نقرتين لعرض الصورة في صفحة مستقلة

طيب انتي عارفة لو فكرتي شوية

هتلاقي من النعم اللي منقدرش نستغني عنها

هي نعمة البصر واللسان

سبحان الله واكيد محدش هيقدر يستغني عن بقية النعم

طيب اسألي نفسك كده

واختاري بين البصر والسمع واللسان

طيب الايدين ولا الرجلين

هتلاقي نفسك مش قادرة تستغني عن ولا نعمه من هذة النعم

اذا النعم دي كلها نعم من الله عز وجل علي الانسان بها

بس زي ماتفقنا ان اكبر نعمه وأعظم منه هي نعمة الاسلام

ان هدانا الله عز وجل لهذا الدين وجعلنا مسلمين


نقرتين لعرض الصورة في صفحة مستقلة

طيب هو اللسان ده نعمه ولا نقمة

احنا ساعات بنخليه نقمه

قال الله تعالي

( لا أقسم بهذا البلد وأنت حل بهذا البلد ووالد وما ولد

لقد خلقنا الانسن في كبد أيحسب أن لن يقدر عليه أحد

يقول أهلكت مالا لبدا أيحسب أن لم يره أحد

ألم نجعل له عينين ولسانا وشفتين .....


سبحان الله اللسان ده نعمه من نعم الله علينا

طيب احنا حاسين بالنعمه دي

احنا مش بنحس بالنعم ألا لما بتتاخد مننا

صحيح

أهو احنا بناكل بأسننا

ونبص بعيونا

ونتكلم بلسنا

ومش حاسين بالنعم اللي انعم الله عز وجل علينا بيها

لما تزول بس عنا هذة النعم هنحس بيها ونحمد ربنا عليها

نقرتين لعرض الصورة في صفحة مستقلة

اللسان شأنه شأن النعم كلها


ربنا بيدينا النعم وهو سبحانه هيحسبنا عليها

يعني نحافظ علي نعم ربنا لحسن ربنا ياخدها مننا

ولو ربنا سبحانه أخدها مننا يبقي بيحبنا

بدل مانحتاس في الاخرة يوم الحساب

يعني مثلا واحدة مش قادرة تغض بصرها

وعماله تبص علي الحرام وتقولك مش قادرة

لو ربنا أخد منها نعمة البصر هتقول ايه

هتقول يارب رجعلي لي بصري وانا مش هبص علي الحرام تاني

وده زي بالضبط اللي هيحصل مع نعمة اللسان

ولو ماحفظناش عليها

ربنا سبحانه وتعالي أمرنا أن نحافظ علي نعمة اللسان

يعني لا تتكلمي الا بخير







وفي السوء والباطل لا ماتتكلميش





وكلنا عارفين أن شكر النعم لما ربنا عز وجل بيعطينا نعمة





مثلا فلوس بنشكر ربنا أزاي

بنشكر ربنا بحاجتين

هما اللسان والعمل

بتشكري ربنا بلسانك انك تحمديه سبحانه وتعالي

واما بالعمل انك مثلا تصرفي فلوسك في الحلال

( اعملوا أل داود )

نقرتين لعرض الصورة في صفحة مستقلة

طيب نشكر ربنا علي نعمة اللسان أزاي

اننا نحفظ لسانا

أحفظي لسانك

لان كل كلمة بتقوليها هتتحاسبي عليها يوم الحساب

( لا يلفظ من قول الا ولديه رقيب عتيد )

النبي ( صلي الله عليه وسلم قال )

: ( من كان يؤمن بالله واليوم الآخر ، فليقل خيرا أو ليصمت ، ومن كان يؤمن بالله واليوم الآخر ،فليكرم جاره

ومن كان يؤمن بالله واليوم الاخر فليكرم ضيفه

رواه البخاري ومسلم


يعني يأما تسكتي يأما تتكلمي بخير

شايفة كلامك فيه خير قوليه

شايفة مافيهوش خير يبقي تسكتي أحسن

وقبل ماتتكلمي فكري شوية في اللي هتتكلمي بيه

فيه خير قولي ( فليقل خير )

لا مافيهوش خير يبقي قلته أحسن ( او ليصمت )

مش قادرة تسكتي وواخدة علي الرغي

يبقي أذكري الله

أيوة اذكري الله سبحي استغفري اشغلي لسانك بذكر الله سبحانه

وانتي اللي كسبانه في الاخر
قال ( صلي الله عليه وسلم )

المسلم من سلم المسلمون من لسانه

والمهاجر من هجر مانهي الله عنه



يعني لو الناس سلمت من لسانك هتكوني مسلمة بحق


يتبببببببببببع


طيب أزاي اكون مسلمة بحق


يعني معملش ايه بلساني علشان اكون مسلمة بحق





هقولك متعمليش ايه


1- السب والشتيمة

2- القذف
3- الغيبة
4- النميمة
5- الكذب
6- النفاق
7- ذو الوجهين







ودي كلها بلاوي ممكن يعملها اللسان

وهنبدأ واحدة واحدة





اول حاجة السب والشتيمة

هو ربنا عز وجل جعل لنا لسان علشان نسب ونشتم بيه

وتشتمي غيرك ليه هو اللي انتي بتشتميها دي مش ربنا خلقها
طيب بتشتميها وتقوليلها ايه
يابنت كذا ويابنت كذا
ياخبر أنتي بكده شتمتي أبويها
تخيلي بقي لو هي كمان ردت عليكي وشتمت أويكي
يبقي هينطبق عليكي حديث الرسول صلي الله عليه وسلم





ألا أنبئكم بأكبر الكبائر ؟ - ثلاثا - قلنا : بلى يا رسول الله ،

قال : الإشراك بالله ، وعقوق الوالدين وكان متكئا فجلس ، وقال : ألا وقول الزور ، وشهادة الزور
فما زال يكررها حتى قلنا : ليته سكت .
رواه البخاري




وقال ايضا صلي الله عليه وسلم



" من الكبائر شتم الرجل والديه " . قالوا : يا رسول الله ، وهل يشتم الرجل والديه ؟

قال : " نعم ، يسب أبا الرجل ، فيسب أباه ، ويسب أمه ، فيسب أمه " .

متفق عليه




وقال صلى الله عليه وسلم "سباب المسلم فسوق وقتاله كفر" متفق عليه



وقال صلى الله عليه وسلم : " ليس المؤمن بطعان ولا لعان ولا فاحش ولا بذيء " حديث صحيح

يبقي اللسان مش للسب والشتم

والمؤمن مش ممكن يكون بيعمل كده


قال الله تعالي ( ولا تنابذوا بالالقاب .)
نقرتين لعرض الصورة في صفحة مستقلة
ثاني حاجة القذف



ماتقذفيش اي حد بالباطل

مثلا انك تقولي علي واحدة انها زانيه
ألا لو شوفتيها بعينك وممعاكي ثلاثة
علشان تبقوا اربعة
يبقي بلاش قذف المحصنات
( والذين يرمون المحصنات الغافلات ....)
اتقي الله في لسانك
نقرتين لعرض الصورة في صفحة مستقلة
ثالث حاجه الغيبة



اولا يعني ايه غيبة

الغيبة هي ذكرك أخاك بما يكره


قال رسول الله صلي الله عليه وسلم

أتدرون ما الغيبة قالوا الله ورسوله أعلم
قال ذكرك أخاك بما يكره قيل أفرأيت إن كان في أخي ما أقول
قال إن كان فيه ما تقول فقد اغتبته وإن لم يكن فيه فقد بهته
رواه مسلم



يعني أنك تجيبي سيرة واحدة

وتقولي عنها حاجة هي متحبش تسمعها

طيب افرض الحاجة اللي انا بقولها دي صحيحه
يبقي انتي كده أغتبتيها وهي دي الغيبة
ولو مكنتش فيها الحاجة دي يبقي انتي كده ظلمتيها
يعني من الاخر خسرانه خسرانه



وطبعا لايخفي عليكم أن اكثر حد بيقع في الموضوع ده

اللي هو الغيبة .... أحنا يامعشر النساء

أنك تلاقي اتنين عمالين يرغوا
ودي تقولها وازي فلانه
التانية ترد هو أنتي ماتعرفيش طيب انا هقولك
وتديها بقي لوك لوك لوك لوك
وكلام مالوش اي لزمه
طيب انتي بتقولي الكلام ده ليه
تقولك أدينا بنتسلي
ياخبر بتتسلوا بأعراض الناس
تتسلي بالغيبة
أستغفري الله



طيب أنتي عارفة اللي بتجيبي سيرتها دي
يابختها وياسعدها وياهناها

عارفة ليه لانها بتاخد حسنات منك ياحلوة
وأنتي ولا حاسة
يبقي نبعد عن الغيبة علشان ربنا يكرمنا ويرضي عننا
ويبارك لنا في نعمة اللسان


واحنا مانتواصش بالغيبة دي

اللي بتتكلم عن حماتها واللي بتتكلم عن أخت زوجها

واللي عن جارتها واللي عن سلفتها
وناسين خالص انها غيبة وانها حرام
يبقي ايه يبقي نمسك لسانا ونحفظه


والاخت العاقله تعمل ايه

ماتعمليش ودنك صندوق زباله

بلاش نعمل ودننا صندوق زباله
ونقعد نسمع دي ودي ترمي في ودنك زباله
وانتي وهي في الاخر الخسرانين




يبقي أول ما واحدة تتكلم معاكي وهتجيب في سيرة واحدة

لا استوب

تقولي لها يأختي بلاش نجيب في سيرة حد أحنا كده بناخد سيئات
واتكلموا عن ذكر الله أذكروا الصحبيبات
اتعلموا شئ يفيدكم دنيا واخرة

رابع حاجة النميمة
طيب هي أيه النميمة
النميمة هي أنك تنقلي كلام واحدة للتانية
علشان توقعي بينهم
قال ( صلي الله عليه وسلم )
لا يدخل الجنة نمام
نمامه هي اللي تنقل كلام واحدة للتانيه علشان توقع بينهم
وطبعا ده حــــــــــــــــــــرام
وده من أفــــــــــــــــات اللسات
نقرتين لعرض الصورة في صفحة مستقلة
ومن أفات اللسان ايضا
الكذب
عليكم بالصدق في كل كلامكم
حتي لو علي رقبتك

قال رسول الله صلي الله عليه وسلم
ان الصدق يهدي الى البر و ان البر يهدي الى الجنة و ان الرجل ليصدق حتى يكتب عند الله صديقا و ان الكذب يهدي الى الفجور و ان الفجور يهدي الى النار و ان الرجل ليكذب حتى يكتب عند الله كذابا -
متفق عليه
الكذب ملوش رجلين
نقرتين لعرض الصورة في صفحة مستقلة
وكمان ذو الوجهين
قال رسول الله صلي الله عليه وسلم
(تجد من شر الناس يوم القيامة عند الله ذا الوجهين الذي يأتي هؤلاء بوجه وهؤلاء بوجه)
رواه البخاري
تروحي عند دي وتقوليها دي البنت دي كذا وكذا وكذا
وتروحي عند البنت نفسها اللي بتتكلمي عنها
وتقولي لها دي الست دي سيبك منها دي طلعت كذا وكذا وكذا
يبقي أنتي كده بوشين
طيب أنتي مع مين فيهم
تقولك أنا مع كله
( بتوع كله يعني )
لا ياحلوة حرام خليكي مع الحق دائما
وذو الوجهين ده من أفات اللسان
نقرتين لعرض الصورة في صفحة مستقلة
وأخيرا النفاق
من مصايب اللسان أنك تنافقي
تبقي عارفة الصح من الغلط ومع ذلك تنافقي
وتقولي لنفسك الدنيا كلها كده
أنا مالي الكل بيعمل كده
علشان مثلا ترضي مديرتك أو رئيستك في الشغل
( أخترانك ومشينا وراك )حتي لو كان غلط برده ماشين وراك ليه علشان هو رئيسك او مديرك
يبقي النفاق برده من أفات اللسان

طيب عقاب ده كله أيه


عقاب السب والشتيمة والقذف
والغيبة والنميمه وذو الوجهين والكذب والنفاق

هقولك عقابهم أيه

قال الله تعالي
(ألم تر إلى الذين بدلوا نعمة الله كفراً وأحلوا قومهم دار البوار جهنم يصلنها وبئس القرار)

سورة ابراهيم
نقرتين لعرض الصورة في صفحة مستقلة
يبقي ربنا أنعم علينا بنعمة اللسان
وبدل مانستخدمه في الخير أستخدمنها في الشر


قال الله تعالي

ومثل كلمة خبيثة كشجرة خبيثة اجتثت من فوق الأرض ما لها من قرار

نقرتين لعرض الصورة في صفحة مستقلة
يبقي نستخدم لسانا في الخير دائما




علشان ربنا يثبتنا في الدنيا والاخرة
يثبتنا في القبر عند السؤال

طيب أعمل أيه علشان أحافظ علي نعمة اللسان
هقولك نعمل ايه علشان نحافظ علي نعمة اللسان

أذكري الله عز وجل بدل ماتروحي تعملي غيبة ونميمة
وكلام مالوش اي لزمة لوك لوك لوك وخلاص

قال رسول الله صلي الله عليه وسلم

نقرتين لعرض الصورة في صفحة مستقلة
ماتقوليش اي كلام وخلاص





يبقي الذكر أن تذكري الله تبارك وتعالي

قال رسول الله صلي الله عليه وسلم
مثل الذي يذكر ربه والذي لا يذكره كالحي والميت

وقال الله عز وجل
فاذكروني أذكركم وأشكروا لي ولا تكفرون .

وكمان الصدق ان تصدقي دائما في كلامك

استخدمي لسانك دائما في قول الحق
واستخدمي لسانك في شكر الله عز وجل

قال الله تعالي
( ومن يشكر فأنما يشكر لنفسه أن الله غني عن العالمين)

ربنا سبحانه مش محتاج لشكرك
أنما احنا اللي محتاجين
فاشكري الله عز وجل علي النعم الذي انعمها علينا
نقرتين لعرض الصورة في صفحة مستقلة

وكمان استغفري الله طول ما انتي قاعدة


قالأبو هريرة سمعت رسول الله صلى الله عليه وسلم يقول

والله إني لأستغفر الله وأتوب إليه في اليوم أكثر من سبعين مرة


صحيح البخاري
نقرتين لعرض الصورة في صفحة مستقلة
وده مين ده سيدنا النبي صلي الله عليه وسلم
الذي غفر الله ماتقدم من ذنب وما تأخر

يبقي احنا كده نستغفر الله حياتنا
نقرتين لعرض الصورة في صفحة مستقلة
وكمان قراءة القرأن
افتحي مصحفك واقرأي القرأن
خلي ليكي ورد يومي
انتي عارفة لو عملنا كل الحاجات دي
يبقي كده هنحافظ علي لسانا

قال الله تعالي



(أَلَمْ تَرَ كَيْفَ ضَرَبَ ٱللَّهُ مَثَلاً كَلِمَةً طَيِّبَةً كَشَجَرةٍ طَيِّبَةٍ أَصْلُهَا ثَابِتٌ وَفَرْعُهَا فِي ٱلسَّمَآءِ )




و ان العبد ليتكلم بالكلمة من سخط الله
لا يلقي لها بالا يهوي بها في جهنم

أقوال السلف في حفظ اللسان

قال شيخ الإسلام ابن تيمية موضحاً حال الكثيرين ..
ومن العجب أن الإنسان يهون عليه التحفظ من أكل الحرام والظلم والسرقة وشرب الخمر ، ومن النظر المحرم وغير ذلك ، ويصعب عليه التحفظ من حركة لسانه ، حتى ترى ذلك الرجل يشار إليه بالدين والزهد والعبادة ، وهو يتكلم بالكلمات من سخط الله لا يلقي لها بالاً ، ينزل بالكلمة الواحدة منها أبعد ما بين المشرق والمغرب ، وكم ترى من رجل متورع عن الفواحش والظلم ولسانه يفري في أعراض الأحياء والأموات ، ولا يبالي ما يقول.


نقرتين لعرض الصورة في صفحة مستقلة
حُكي عن بعض الحكماء رأى رجلاً يُكثر الكلام ويُقل السكوت ، فقال : إن الله – تعالى – إنما خلق لك أذنين ولسانا واحداً ، ليكون ما تسمعه ضعف ما تتكلم به .
نقرتين لعرض الصورة في صفحة مستقلة
عن حاتم الأصم قال : لو أن صاحب خير جلس إليك لكنت تتحرز منه ، وكلامك يُعرض على الله فلا تتحرز منه .
نقرتين لعرض الصورة في صفحة مستقلة
قال الحسن بن صالح : فتشنا الورع فلم نجده في شيء أقل منه في اللسان.
نقرتين لعرض الصورة في صفحة مستقلة
قال الحسن ابن بشار : منذ ثلاثين سنة ما تكلمت بكلمة أحتاج أن أعتذر منها .
نقرتين لعرض الصورة في صفحة مستقلة
قال بشر بن منصور : كنا عند أيوب السختياني فغلطنا وتكلمنا، فقال لنا : كفوا .. لو أردت أن أخبركم بكل شيء تكلمت به اليوم لفعلت .

نقرتين لعرض الصورة في صفحة مستقلة
قال رجل للفضيل ابن عياض : إن فلاناً يغتابني ، قال : قد جلب لك الخير جلباً.
نقرتين لعرض الصورة في صفحة مستقلة
قال عبد الرحمن بن مهدي : لولا أني أكره أن يُعصى الله تمنيت ألا يبقى في هذا العصر أحدٌ إلا وقع فيّ واغتابني فأي شيء أهنأ من حسنة يجدها الرجل في صحيفته يوم القيامة لم يعملها ولم يعلم بها.
نقرتين لعرض الصورة في صفحة مستقلة
قال عبد الله بن المبارك : قلت لسفيان الثوري : يا أبا عبد الله ما أبعد أبا حنيفة عن الغيبة ، ما سمعته يغتاب عدواً له قط ، فقال : هو أعقل من أن يسلط على حسناته ما يُذهبها .
نقرتين لعرض الصورة في صفحة مستقلة
روي عن عمر بن عبد العزيز أنه دخل عليه رجل فذكر له عن رجل شيئا ،فقال له عمر : إن شئت نظرنا في أمرك ، فإن كنت كاذبا فأنت من أهل هذه الآية : { إن جاءكم فاسقٌ بنبأ فتبينوا} وإن كنت صادقاً فأنت من أهل هذه الآية { همازٍ مشاءٍ بنميم } وإن شئت عفونا عنك ؟ فقال : العفو يا أمير المؤمنين ، لا أعود إليه أبدا .
نقرتين لعرض الصورة في صفحة مستقلة
وقال فضيل بن عياض رحمه الله: ما حجٌّ ولا رباطٌ ولا اجتهاد أشد من حبس اللسان، ولو أصبحت يُهمُّك لسانُك أصبحتَ في غمٍّ شديد.
نقرتين لعرض الصورة في صفحة مستقلة
وقال خارجة بن مصعب: صحبت ابن عون ثنتي عشرة سنة، فما رأيته تكلّم بكلمة كتبها عليه الكرامُ الكاتبون.
نقرتين لعرض الصورة في صفحة مستقلة
قال محمد بن واسع لمالك بن دينار: يا أبا يحيى، حفظ اللسان أشدُّ على الناس من حفظ الدينار والدرهم

.إذا كان ده واجب في حق كل مسلم
فهو في حق الداعية إلى الله أوجب وأولى

ازاي اللسان يقدر يجمع بين الدعوة إلى الله والكذب والغيبة والنميمة وشهادة الزور والنفاق والقذف والسب؟

ازاي تبقي لسه كنتي بتفكريني بآية أو حديث عن الغيبة وبعدها على طول ألاقيكي بتغتابي حد ولو حتى من غير ما تنطقي؟
حد بيسألك عن حد تقولي أستغفر الله مش عايزة أغتاب حد
ما انتي كده اغتبتيها أصلا

أو بتتكلمي عن الكبائر وبتشرحي شهادة الزور وبعدها أشوف حد بيسألك عن شهادة ضد حد وتخافي وتشهدي زور ؟


أو يبقى لسان شغال سب ولعن ؟
بالله عليكي ينفع كده ؟


ازاي بتقولي حاجة وبتعملي عكسها ؟
واحذري قوي من كده
ففي الصحيحين من حديث أسامة بن زيد رضي الله عنهما أن النبي صلى الله عليه وسلم ، قال : " يجاء بالرجل يوم القيامة فيلقى في النار فتندلق أقتابه في النار ، فيدور بها كما يدور الحمار برحاه ، فيجتمع عليه أهل النار فيقولون : أي فلان ، ألست كنت تأمرنا بالمعروف وتنهانا عن المنكر ؟ ! فيقول : كنت آمركم بالمعروف ولا آتيه ، وأنهاكم عن المنكر وآتيه "

وقد بين تعالى ذلك فقال : " أتأمرون الناس بالبر وتنسون أنفسكم " ، وقال : " كبر مقتا عند الله أن تقولوا ما لا تفعلون "


يقول الشاعر
لا تنه عن خلق وتأتي مثله عار عليك إذا فعلت عظيم

وقد أجاد من قال :
فإنك إذ ما تأت ما أنت آمر به تلف من إياه تأمر آتيا

خلو بالكم من لسانكم

شوفوا قد ايه ؟
بس أكتر حاجة ممكن تدخلكم الجنة أو النار


لقمان الحكيم قال لابنه حكمة تتكتب بماء الذهب ، لو عملنا بيها هنستريح ونريح غيرنا كمان

" إذا كان الكلام من فضة فإن السكوت من ذهب "

مفيش حاجة هتودينا في داهية زي اللسان
نقرتين لعرض الصورة في صفحة مستقلة
فعن معاذ رضي الله عنه قال: "كنت مع النبي صلى اللّه عليه وسلم في سفر فأصبحت يوما قريبا منه ونحن نسير فقلت يا رسول اللّه أخبرني بعمل يدخلني الجنة ويباعدني عن النار، قال: لقد سألتني عن عظيم وإنه ليسير على من يسره اللّه عليه: تعبد اللّه ولا تشرك به شيئا، وتقيم الصلاة، وتؤتي الزكاة، وتصوم رمضان، وتحج البيت، ثم قال: ألا أدلك على أبواب الخير: الصوم جنة، والصدقة تطفئ الخطيئة كما يطفئ الماء النار، وصلاة الرجل من جوف الليل، قال: ثم تلا: (تَتَجَافَى جُنُوبُهُمْ عَنِ الْمَضَاجِعِ يَدْعُونَ رَبَّهُمْ)[السجدة:16] حتى بلغ (يعملون) ثم قال: ألا أخبركم برأس الأمر كله وعموده وذروة سنامه: قلت: بلى يا رسول اللّه قال: رأس الأمر الإسلام، وعموده الصلاة، وذروة سنامه الجهاد. ثم قال: ألا أخبرك بملاك ذلك كله، قلت بلى يا رسول اللّه، قال: فأخذ بلسانه، قال: كف عليك هذا. فقلت: يا نبي اللّه وإنا لمؤاخذون بما نتكلم به؟ فقال: ثكلتك أمك يا معاذ، وهل يكب الناس في النار على وجوههم، أو على مناخرهم، إلا حصائد ألسنتهم".

احـفظ لســانك أيهـا الإنســـــان ***** لا يلــــدغـنـــك إنـــه ثعــبـــان

كـم فـي المقابر مـن قتيل لسـانه ***** كـانت تخــاف لقـاءه الشــجعان


وفي المقابل لو لسانك كلامه حلو يدخلك الجنة
نقرتين لعرض الصورة في صفحة مستقلة
عن رسول الله صلى الله عليه وسلم: "إن في الجنة غُرفًا يُرى ظاهرها من باطنها وباطُنها من ظاهرها، أعدَّها الله تعالى لمن أطعم الطعام، وألان الكلام، وتابع الصيام، صلَّى بالليل والناسُ نيام".

وعن أبي هريرة رضي الله عنه قال: قال رسول الله صلى الله عليه وسلم: "أطِب الكلام، وأفشِ السلام، وصِل الأرحام، وصلِّ بالليل والناس نيام، ثم ادخل الجنة بسلام". ومما يدل على عظم خطورة اللسان قوله صلى الله عليه وسلم: "إن الرجل ليتكلم بالكلمة من رضوان الله تعالى، ما كان يظنُّ أن تبلغ ما بلغت، يكتُبُ الله له بها رضوانه إلى يوم يلقاه، وإن الرجل ليتكلَّم بالكلمة من سخط الله، ما كان يظنُّ أن تبلغ ما بلغت، يكتب الله له بها سخطه إلى يوم يلقاه" .

وعن سفيان بن عبد الله رضي الله عنه قال: قلتُ: يا رسول الله! حدِّثني بأمرٍ أعتصم به؛ قال:"قل: ربي الله ثم استقم". قلت: يا رسول الله! ما أخوفُ ما تخاف عليَّ؟ فأخذ بلسان نفسه ثم قال: "هذا".


ومن حفظ اللسان طول الصمت إلا عن خير:

قال رسول الله صلى الله عليه وسلم: "عليك بُحسن الخلُق، وطول الصمت، فوالذي نفسي بيده، ما تجمَّل الخلائق بمثلهما".

وعن أبي موسى رضي الله عنه قال: قلت: يا رسول الله! أي المسلمين أفضل؟ قال: "من سلم المسلمون من لسانه ويده".

وعن عبد الله بن عمرو بن العاص رضي الله عنهما قال: قال رسول الله صلى الله عليه وسلم: "المسلم من سلم المسلمون من لسانه ويده".

وعن عبد الله بن مسعود رضي الله عنه قال: سألت رسول الله صلى الله عليه وسلم فقلت: يا رسول الله! أيُّ الأعمال أفضل؟ قال: "الصلاة على ميقاتها" قلت: ثم ماذا يا رسول الله؟ قال: "أن يسلم المسلمون من لسانك".

وعن البراء بن عازب رضي الله عنه قال: جاء أعرابيٌُّ إلى رسول الله صلى الله عليه وسلم فقال: يا رسول الله! علِّمني عملاً يدخلني الجنة. قال: "إن كنت أقصرتَ الخُطبة لقد أعرضت المسألة، اعتقِ النسمة، وفُكَّ الرقبة، فإن لم تُطِق ذلك، فأطعم الجائع، واسقِ الظمآن، وأمر بالمعروف، وانه عن المنكر، فإن لم تُطق ذلك، فكُفَّ لسانك إلا عن خير".

وعن عقبة بن عامر رضي الله عنه قال: قلتُ: يا رسول الله! ما النجاة؟ قال: "أمسك عليك لسانك، وليسعك بيتك، وابك على خطيئتك".

وعن أنس رضي الله عنه قال: قال صلى الله عليه وسلم: "لا يستقيم إيمان عبدٍ حتى يستقيم قلبه، ولا يستقيم قلبُه حتى يستقيم لسانه، ولا يدخل الجنة رجل لا يأمن جارُه بوائقه".

وعن معاذ بن جبل رضي الله عنه قال: قال رسول الله صلى الله عليه وسلم: "إنك لن تزال سالمًا ما سكتَّ، فإذا تكلَّمت كُتِبَ لك أو عليك".

وعن معاذ رضي الله عنه قال: قلت: يا رسول الله! أوصني. قال: "اعبد الله كأنك تراه، واعدد نفسك في الموتى، وإن شئت أنبأتك بما هو أملك بك من هذا كله". قال: "هذا". وأشار بيده إلى لسانه صلى الله عليه وسلم. وعن أبي سعيد الخدري رضي الله عنه قال: قال رسول الله صلى الله عليه وسلم: "إذا أصبح ابن آدم فإن الأعضاء كلها تُكفِّر اللسان؛ فتقول: اتق الله فينا، فإنما نحن بك، فإن استقمت استقمنا، وإن اعوججت اعوججنا".


و قال رسول الله صلى الله عليه وسلم: "من يضمنُ لي ما بين لحييه وما بين رجليه أضمن له الجنة".

وعن أبي بكر رضي الله عنه قال: قال صلى الله عليه وسلم: "ليس شيء من الجسد إلا يشكو ذرَب اللسان على حدَّته" .

وصح عن عبد الله بن مسعود رضي الله عنه أنه قال: "والذي لا إله غيره؛ ما على ظهر الأرض من شيء أحوج إلى طول سجنٍ من لسان".

وعن أسلم أن عمر رضي الله عنه دخل يومًا على أبي بكر الصديق رضي الله عنه وهو يجبذ لسانه، فقال عمر: مَه، غفر الله لك. فقال له أبو بكر: إن هذا أوْردني شرَّ الموارد.

أقسام الكلام:

الكلام أربعة أقسام:

1- قسم هو ضررٌ محض.
2- وقسم هو نفع محض.
3- وقسم هو ضررٌ ومنفعة.
4-قسم ليس فيه ضررٌ ولا منفعة.

أما الذي هو ضرر محض فلا بد من السكوت عنه، وكذلك ما فيه ضرر ومنفعة لا تفي بالضرر.

وأما ما لا منفعة فيه ولا ضرر فهو فُضُول ، والاشتغال به تضييع زمان، وهو عين الخسران،

فلا يبقى إلا القسم الرابع؛ فقد سقط ثلاثة أرباع الكلام وبقي رُبع، وهذا الربع فيه خطر، إذ يمتزجُ بما فيه إثم، من دقيق الرياء والتصنُّع والغيبة وتزكية النفس، وفضول الكلام، امتزاجًا يخفى دركُه، فيكون الإنسان به مخاطرًا.


ومن عرف دقائق آفات اللسان، علم قطعًا أن ما ذكره صلى الله عليه وسلم هو فصلُ الخطاب، حيث قال: "من صمت نجا". فلقد أوتي والله جواهر الحكم، وجوامع الكلم



لكن أحيانا السكوت بيكون هو الغلط

يعني المفروض تعرفي امتى تتكلمي وامتى تسكتي

مش معقولة تشوفي منكر وانتي قادرة على تغيره ولو باللسان وتسكتي وتقولي وأنا مالي
أنا أحفظ لساني عن الكلام أحسن ده السكوت من ذهب

ففي مجموع الفتاوى لشيخ الإسلام ابن تيمية يقول رحمه الله تعالى: قال الله تعالى: فَلَا تَتَّبِعُوا الْهَوَى أَنْ تَعْدِلُوا وَإِنْ تَلْوُوا أَوْ تُعْرِضُوا فَإِنَّ اللَّهَ كَانَ بِمَا تَعْمَلُونَ خَبِيرًا. ولوى لسانه: أخبر بالكذب، وأعرض: سكت وكتم الحق، والساكت عن الحق شيطان أخرس.

ويقول ابن القيم رحمه الله: وأي دين وأي خير فيمن يرى محارم الله تنتهك وحدوده تضاع ودينه يترك! وسنة رسول الله صلى الله عليه وسلم يرغب عنها! وهو بارد القلب ساكت اللسان، شيطان أخرس، كما أن من تكلم بالباطل شيطان ناطق.
اللهم ارزقنا لسانا ذاكرا
إلى اللقاء في الدرس القادم

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Mr.Design
member
member


المهنة: :
الجنس : ذكر
العمر : 25
تاريخ التسجيل : 07/08/2012
عدد المشاركـات : 351
السٌّمعَة : 0

مُساهمةموضوع: رد: لن يكون سلوكى خنجر فى صدر الاسلام الدرس الخامس ( حفظ اللسان )    الثلاثاء أغسطس 07, 2012 11:23 am

أتمنــــى لكـ من القلب .. إبداعـــاً يصل بكـ إلى النجـــوم ..

سطرت لنا أجمل معانى الحب

بتلك الردود الشيقة التي تأخذنا

إلى أعماق البحار دون خوف

بل بلذة غريبة ورائعة

دمت لنا ودام قلمك

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
لن يكون سلوكى خنجر فى صدر الاسلام الدرس الخامس ( حفظ اللسان )
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شبكـه ومنتدياتــ |الاسلام احلي دليل| :: || القــسـ( الدعوي )ــمـ || :: معهد اعداد داعيين وداعيات الإسلام أحلى دليل :: الأنشظة الدعوية-
انتقل الى: