حوار بينى وبين ...؟!

[center]

--------------------------------------------------------------------------------

.....: - ممكن اسألك ايه رأيك في المظاهرات اليومين دول؟

أنا : كويسة...الناس من حقها تزهق من الفساد

.....: -أه تصدق انا كمان زهقت ونفسى اعمل مظاهرة عليك

أنا : ليه بقى ان شاء الله ده انا مش مخليكى عايزة حاجة!!

.....: - يا راجل ده انا زهقت من افعالك هو انت ما زهقتش

أنا : ازهق من ايه ما أنا عايش مبسوط اربعة وعشرين...لأ خليهم أربعة وخمسين قيراط...عايش زى ما انا عايز مية مية

.....: - ما هو ده اللى زهقنى نفسى تعيش زى ما المفروض تعيش

أنا : قصدك ايه!

.....: - يعنى نفسى تعيش على طاعة الله وتتبع سنة رسول الله صلى الله عليه وسلم

أنا : ايه ده ايه ده أنا أعصابى تعبانة والا ايه!!

.....: - طب تعالى صلى في المسجد ده الآذان بيأذن أهو يلا قوم اتوضى وصلى وبعدين نتكلم مع بعض

أنا : ما أنا ناوى ان شاء الله بس مش دلوقتى اصل اصحابى مستنينى ومش عايز اتأخر عليهم

.....: - يعنى تتأخر على اصحابك والا تتأخر على نداء الرحمن ليك تعالى بس يا راجل يلا اتوضى بسرعة قبل الاقامة

أنا : ايه يا ..... انتى ايه اللى حصلك انهاردة حتدروشى والا ايه ما تقولىلى كمان بلاش أصحابك وبلاش سهر وبلاش تليفزيون وبلاش وبلاش وبلاش يلا بقى ما هى بتبدأ بالصلاة في المسجد اول مرة وبعد كدة مش حتبطلى طلبات انا عارفك بس طلبك انهاردة غريب شوية

.....: - زهقت معاصى ونفسى اعيش في طاعة الله بقى هو انت فاكر الدنيا حتدوم لك ما انت شوفت فلان وفلان ماتوا ازاى لا مرض ولا عجز والله أعلم بهم دلوقتى ربنا يرحمهم

أنا : أه والله عندك حق ده حتى فلان كان ولا على باله سهرات قعاد عالكافتيريات ومعاكسة البنات ما كانش عامل حسابه ان اجله قرب

.....: - ايوة وكان ناسى طبعا انه حيقف بين ايدين ربه ويقرأ كتابه كل صغيرة وكبيرة الملائكة كتبوها عليه ...لا حول ولا قوة الا بالله

أنا : ايه يا نفسى ناوية على ايه!!

نفسى...:- ناوية اتوب هو انت ما زهقتش من الحياة المملة ديه مش نفسك تدوق حلاوة الطاعة

أنا : اه والله...على فكرة انا كنت بصلى وانا صغير وابويا وامى كانوا بيحفظونى القران كمان بس الاصحاب بقى اللى عرفونى طريق القهاوى والسهر والنميمة وغيره وغيره

نفسى...:- طب افتح المصحف كدة واقرأ في سورة الفرقان (وَيَوْمَ يَعَضُّ الظَّالِمُ عَلَى يَدَيْهِ يَقُولُ يَا لَيْتَنِي اتَّخَذْتُ مَعَ الرَّسُولِ سَبِيلاً{27} يَا وَيْلَتَى لَيْتَنِي لَمْ أَتَّخِذْ فُلَاناً خَلِيلاً{28} لَقَدْ أَضَلَّنِي عَنِ الذِّكْرِ بَعْدَ إِذْ جَاءنِي وَكَانَ الشَّيْطَانُ لِلْإِنسَانِ خَذُولاً{29} وَقَالَ الرَّسُولُ يَا رَبِّ إِنَّ قَوْمِي اتَّخَذُوا هَذَا الْقُرْآنَ مَهْجُوراً{30}

أنا : أه ياخوفى

نفسى...:- كويس انك لسة بتخاف لما بتسمع كلام الرحمن ...نفوق بقى ونتوب والا ايه

أنا : لأ نفوق قبل فوات الأوان ..هو أقام الصلاة في المسجد والا لسة؟

نفسى...:- لسة لسة ...يلا اتوضى... ولينا كلام كثير مع بعض بعد الصلاة...

يا غافلا تتمادى غدا عليك ينادى
هذا الذى لم يقدم قبل المنية زادا
تذكر وقوفك يوم العرض عريانا مستوحشا قلق الاحشاء حيرانا
و النار تلهب من غيظ و من حلق على العصاة و رب العرش غضبانا
اقرأ كتابك يا عبد على مهل فهل ترى فيه حرفا غير ما كان
فلما قرأته و لم تنكر قراءته و اقررت اقرار من عرف الاشياء عرفانا
نادى الجليل خذوه يا ملائكتى و امضوا بعبد عصى بالنار عطشانا
المشركون غذا فى النار يلتهبو و الموحدون بدار الخلد سكانا

" target="_blank" rel="nofollow">https://www.youtube.com/v/ChBqFm-iyjM&rel=0&hl=en_US&feature=player_embedded&version=3">

::gazak1::

::gazak1::

جزاكم الله خيرا

جزاكم الله خيرا

» حوار
» حوار مع الشيطان
» حوار مع الشيطان
» حوار بين شيطان اخ ملتزم و شيطان اخت ملتزمة